اعاجاي-التاي تورابى   ›   مادەنيەت ارناسى   ›   بىلگەنگە مارجان

بالتىرداعى مايعا باسىڭىز اۋىرماسىن

  ايىمداردىڭ ءبىرازى بالتىرىنىڭ «كەتپەكتەي» ەكەنىنە ناليدى. الايدا سوڭعى تۇستاعى ءبىر زەرتتەۋ ناتيجەسى بالتىر مەن سانداعى مايدىڭ جۇرەك دەرتىنەن ساقتانۋعا پايدالى ەكەنىن اڭعارتتى. بىرەۋلەر ازاننان كەشكە دەيىن جۇگىرىپ دەنە شىنىقتىرۋ اسپابىنان تۇسپەيدى. ءبىراق بالتىرى مەن سانىنداعى مايدان ارىلا الماي سارساڭ بولادى، بۇنىڭ سەبەبى تاپ وسىندا بولسا كەرەك. ا ق ش كولورادو ۋنيۆەرسيتەتىنىڭ عىلمي قىزمەتكەرى راچەل ۆانپەلت: بۇرىن ءبىز دەنەدەگى مايدىڭ ءبارى ارتىق دەپ ساناپ كەلدىك. ال شىندىعىندا، مايدىڭ ورنىنا قاراي، قاسيەتى دە تۇرلىشە ەكەن. قۇرساققا جيىلعان ماي جۇرەك دەرتىنىڭ قاتەرىن كۇشەيتە تۇسكەنمەن، بالتىر مەن سانداعى ماي جۇرەككە پايدالى، - دەيدى

  
 ۆانپەلت 59 ايەلدىڭ دەنەسىندەگى ماي قۇرامىنا تالداۋ جاساپ، ينسۋلين، ءۇش قىشقىلدى گليتسەرين (قاتەرلى مايدىڭ ءبىر ءتۇرىن مەڭزەيدى) سياقتى جۇرەك دەرتىنە سوعاتىن فاكتورلاردى زەرتتەپ كەلىپ، بالتىرى مەن سانىنا ماي جيىلعان نازىك جىنىستىلاردىڭ قۇرساعىنداعى ماي قۇرامى قانشالىق بولعانىنا قاراماستان، قانداعى ءۇش قىشقىلدى گليتسەرين قۇرامى تومەندەۋ بولاتىندىعىن، باسقاشا ايتقاندا، ولاردىڭ جۇرەك دەرتىنە شالدىعۋ مۇمكىندىگىنىڭ از ەكەندىگىن بايقادى. مۇنىڭ سەبەبى نە؟ عالىمدار بالتىر مەن سانداعى ماي، بالكىم، قانداعى ءۇش قىشقىلدى گليتسەريندى ءسىڭىرىپ اكەتەتىن بولۋى كەرەك. بۇل جۇرەككە پايدالى دەگەن بولجال ايتادى.

جاۋاپتى رەداكتور: ءاننا اكىمقان قىزى
  • باي مازمۇندى قيمىلدار وتكىزىپ، پارتيا 19-قۇرىلتاي رۋحىن ۇگىتتەدى
  • ازىقتىق ساڭىراۋ قۇلاقتى سىناق رەتىندە ەكتى
  • «تۋىسشىلاۋ اپتالىعى» قيمىلى ءار ءبىر جۇرەكتى نۇرلاندىردى
  • رۋحىمەن نۇرلانىپ قۇرىلتايدىڭ، تۋىستار تۇرلەندىردى قيمىل ٴسانىن