اعاجاي-التاي تورابى   ›   مادەنيەت ارناسى   ›   دەنساۋلىق

تەرىسكەننەن ساقتانىڭىز

   بالاڭ دەمەي، شاعاڭ دەمەي، كەز - كەلگەن جاستاعى ادامدى اينالشىقتاپ، مازاسىن الاتىن تەرىسكەن اتتى «تەنتەكپەن» ءبارىڭىز دە تانىس بولارسىزدار. ءيا، ولاي بولسا، بۇگىنگى تاقىرىبىمىزدى سول «تەنتەكتىڭ» بەتىن قايتارۋ جولدارىنا ارناماقپىز.

  
 تەرىسكەن كوبىنە ءتاننىڭ اۋرۋعا قارسىلىق قابىلەتى تومەندەگەن شاقتا شىعادى. جانە دە كۇز مەزگىلى تەرىسكەن كوپتەپ شىعاتىن مەزگىل.

  
 ول ادەتتە كوزدىڭ تومەنگى جانە جوعارعى جاعىندا، كىرپىك اراسىندا پايدا بولادى. العاشقىدا قاباق ءىسىنىپ، اۋرۋ سەزىمى بىلىنەدى.

  
 كوبىنە تەرىسكەندى سىزداۋىقپەن شاتاستىرىپ الىپ جاتادى. بۇل جاڭساق پىكىر. ءيا، تەرىسكەن دە بەزدەردىڭ، ماسەلەن، كوز اياسىن سۋلاندىرىپ تۇراتىن بەزدەردىڭ قابىنۋى سالدارىنان پايدا بولاتىن جارا. تەرىسكەن ەندى پايدا بولا باستاعاندا، ادامنىڭ دەنە قىزۋى كوتەرىلەدى. بۇل قالىپتى جاعداي. جارا بىرەسە قىشىپ، بىرەسە اۋىرىپ، سىرقاتتى ءبىراز سارساڭعا سالادى. مۇنداي حالدى ءوزىڭىز دە باسىڭىزدان كەشىرىپ كورگەن بولارسىز...

  
 تەرىسكەن شىققان كەزدە گرەم جاعىپ نەمەسە قارىنداشپەن بويايتىن بولساڭىز، تەرىسكەننىڭ ابدەن ءپىسىپ، جازىلۋىنا كەدەرگى جاسايسىز.

  
 كوزىڭىزگە تەرىسكەن شىققانىن بايقاعان بولساڭىز، مىندەتتى تۇردە دارىگەردىڭ كومەگىنە جۇگىنىڭىز. تەرىسكەن سەبەبىن سولار جاساعان ساراپتاماعا قاراپ انىقتاۋعا بولادى جانە قانداي ەم - دوم جاساۋ كەرەكتىگىن دە سول ساراپتاما شەشەدى. ەمدەۋ جان - جاقتى ءارى كەشەندى تۇردە جۇرگىزىلۋى ءتيىس. ولاردىڭ قاتارىنا ءتۇرلى دارۋمەندەردى، انتيبيوتيكتەردى، تامىزاتىن ءدارى - دارمەكتەردى، پايدالى مايلار مەن ءىرىڭدى جۋاتىن سۇيىقتىقتاردى اتاۋعا بولادى.

  
 تەرىسكەننىڭ پايدا بولۋ سەبەپتەرى دە ءار ءتۇرلى. مىسالى، كىر قولمەن كوزدى ۋقالاۋدان، وزگە بىرەۋدىڭ زاتتارىن قولدانۋدان، سۋىقتان بولۋى ابدەن مۇمكىن.

  
 دارىگەر مامانداردىڭ تەرىسكەندى ءۇي جاعدايىندا ەمدەۋگە تيىم سالعاندىقتارىن ەستەن شىعارماڭىز.

جاۋاپتى رەداكتور: ءاننا اكىمقان قىزى
  • باي مازمۇندى قيمىلدار وتكىزىپ، پارتيا 19-قۇرىلتاي رۋحىن ۇگىتتەدى
  • ازىقتىق ساڭىراۋ قۇلاقتى سىناق رەتىندە ەكتى
  • «تۋىسشىلاۋ اپتالىعى» قيمىلى ءار ءبىر جۇرەكتى نۇرلاندىردى
  • رۋحىمەن نۇرلانىپ قۇرىلتايدىڭ، تۋىستار تۇرلەندىردى قيمىل ٴسانىن