اعاجاي-التاي تورابى   ›   اقپارات ايدىنى   ›   ءوز حابارلارىمىز

التىن جاتسادا كوز قىرىن سالمايتىن ەرادىلدىڭ اسىل قاسيەتى

ٴتىلشىمىز جانار قاناپيا قىزى حابارلايدى.

  قىزىلتاس قالاشىعى جاتاقتى مەكتەبى 5-جىلدىق 4-كلاس وقۋشىسى، ەرادىل تولقىن ۇلى 1-جەلتوقسان تۇستە، مەكتەپتەن تاراپ، ۇيىنە قايتار جولدا، قىزىلتاس قالاشىعى فۋجيا ەرەن بازارىنىڭ الدىنان قاتتى قاعازعا ورالعان 5مىڭ يۋان ناق اقشانى تاۋىپ الادى، التىن جاتسادا كوز قىرىن سالمايتىن قازاقتىڭ قارا دومالاق بالاسى، اتا-اناسىنىڭ اسىل قاسيەتتەرىن بويىنا سىڭىرىپ، ۇستازدارىنىڭ بەرگەن تاربيەسىن ەسىندە مىقتى ساقتاعان ەرادىل بۇل اقشانى اكەسىمەن بىرگە سول جەردەگى ساقشى بولىمشەسى ارقىلى تاۋىپ العان اقشانى يەسىنە تابىس ەتەدى.

  جوعالعان اقشاسىنىڭ ٴبىر تيىنىن كەمىتپەي تاپسىرىپ العان قىزىلتاس قالاشىعى قامىستى قىستاعىنىڭ تۇرعىنى لوجۋان، قاتتى اسەرلەنەدى ٴارى بۇل كىشكەنتاي بالاعا قاتتى ريزا بولىپ، دۇيسەنبى كۇنى تاڭەرتەڭ العىس حاتىن جازىپ، العىس تۋىن كوتەرىپ ەرادىلدىڭ مەكتەبىنە بارىپ، ەرادىلدەي جاقسى وقۋشىنى تاربيەلەپ جاتقان كلاس جەتەكشىسى ايجىبەككە جانە مەكتەپتەگى بارلىق وقىتۋشىلارعا شەكسىز العىسىن ءبىلدىرەدى. ول اسا تەبىرەنىسپەن: «بۇل تەك ٴبىر وقۋشىنىڭ عانا ەمەس، ٴبىر مەكتەپتىڭ اسىل قاسيەتىن ايگىلەدى، ەرادىلدەي جاقسى وقۋشى تاربيەلەپ جاتقان بارلىق ۇستازدارعا جانە ونىڭ اتا-اناسىنا مىڭ العىس، ۇلتتار ىنتىماعى جاساسىن»،-دەدى. ٴارى مەكتەپ باستىعى، ەرادىل جانە كلاس جەتەكشىسىمەن بىرگە سۋرەتكە ٴتۇسىپ ەستەلىك قالدىردى.

  ەرادىلدىڭ كلاس جەتەكشىسى ايجىبەك بىلاي دەدى:«وقۋشىم ەرادىل، ۇيرەنۋدە تىرسشاڭ، ساباقتاستارىمەن ىنتىماقتى، تۇرمىستا قاراپايىم دا اقىلدى جاقسى بالا، ونىڭ التىن جاتسادا كوز قيىعىن سالمايتىن اسىل قاسيەتتەرى بارلىق وقۋشىعا ۇلگى بولدى، وسى قاسيەتىن جوعالتپاي، قوعامعا جارامدى ازامات بولۋىن ٴۇمىت ەتەمىن».-دەدى.

جاۋاپتى رەداكتور: قابىلقان ايتقابىل ۇلى
  • شي جينپيڭ كانادانىڭ زۇڭليى ترۋداۋمەن كەزدەستى
  • پارتيا 19-قۇرىلتاي رۋحى كارحانا ورىندارىندا ەتەك الدى
  • كولباي اۋىلى تەرەكتى قۇلاق قىستاعى قول جاساعان ءدامدى تاعامدار جارىسىن ۇيىمداستىردى
  • سارتام اۋىلى جىمبا قىستاعى ايەلدەر بىرلەسپەسى پارتيا 19 –قۇرىلتاي بىلىمدەرىنەن زەيىن سىناۋ جارىسن وزدىردى