اعاجاي-التاي تورابى   ›   اقپارات ايدىنى   ›   سۋرەتتى حابارلار

پارتيا 19- قۇرىلتايىنىڭ رۋحىن مالشى قاۋىمعا جەتكىزدى

ءۋالي مۇقاتجان ۇلى حابارلايدى.
جۋىردا، اراسان اۋدانى كوكتوعاي اسىل تۇقىمدى مال فەرماسىنىڭ ۇگىت ءبولىمى پارتيا كادرلارىن، قىزمەت اترەتىن، قستاقتاعى پارتيا مۇشەلەرىن ۇيىمداستىرىپ، ساحاراداعى اتتىلار ۇگىت - لەكسيا ۇيىرمەسىن قۇرىپ، شالعاي تاۋلى وڭىردەگى مالشى قاۋىمعا پارتيا 19 - قۇرىلتايىنىڭ رۋحىن جەتكىزدى. ۇگىت - لەكسيا ۇيىرمەسىنىڭ مۇشەلەرى اتقا ءمىنىپ، بۇرالاڭ تاۋ جولدارىن باسىپ، فەرماعا 40 كيلومەترگە تاياۋ كەلەتىن تاۋلى رايوندارعا بارىپ، ونداعى ءار ۇلت مالشى قاۋىمىنا پارتيا 19- قۇرىلتايىنىڭ رۋحىن جەتكىزىپ، پارتيانىڭ ءۇنىن ولاردىڭ جۇرەك تۇكپىرىنە ۇيالاتتى.

  ۇگىت - لەكسيا ۇيىرمەسى 73 جاستاعى قارت مالشى توكىمان سەنباي ۇلىنىڭ وتباسىنا كەلىپ، پارتيا 19- قۇرىلتايىنىڭ رۋحى مەن ۇكىمەتتىڭ ءتۇرلى ءتيىمدى ساياساتتارىن جەتكىزگەننەن كەيىن، توكىمان قارت تەبىرەنگەن بەينەدە: «ءبىز ءتورت ماۋسىم بويى تاۋلى وڭىردە بولعاندىقتان مەملەكەتتىڭ ءتۇرلى ساياساتتارىنان دەر كەزىندە حاباردار بولا المايمىز، بۇگىن ۇگىت - لەكسيا ۇيىرمەسى وتباسىمىزعا كەلىپ، پارتيا 19-قۇرىلتايىنىڭ رۋحىن جەتكىزدى. اسىرەسە قۇرىلتايدىڭ حالىق تۇرمىسىنا باعىتتالعان ءتۇرلى ءتيىمدى ساياساتتارىن تىڭداعاننان كەيىن ايىرىقشا تەبىرەندىم. بۇگىنگى قورالى قويعا يە بولۋىم، باي-باقىتتى تۇرمىسقا كەنەلۋىم مەملەكەتتىڭ ءتۇرلى يگى ساياساتتارىنان بولە قاراۋعا بولمايدى، ءوزىمدى باقىتتى سەزىنەمىن»،-دەدى.

  ۇگىت - لەكسيا ۇيىرمەسىنە ءوز ەركىمەن مۇشە بولىپ، پارتيا 19- قۇرىلتايىنىڭ رۋحىن مالشى قاۋىمعا جەتكىزۋدى ءوز بورىشىم دەپ سەزىنگەن ەلۋدى ەڭسەرگەن اراسان اۋدانى اققوي اسىل تۇقىمدى مال فەرماسىنىڭ مالشىسى، پارتيا مۇشەسى ماقسۇتقان ساقان ۇلى بىلاي دەدى: «مەن ءبىر قاراپايىم مالشى بولسام دا، پارتيا مۇشەسى بولۋ سالاۋاتىممەن، پارتياعا ادال بولىپ، پارتيا 19 - قۇرىلتايىنىڭ رۋحىن مۇقيات ۇيرەنىپ، ۇيرەنگەن بىلىمدەرىمدى، كورشى - قولاڭ، تۋىس - تۋعان، دوس - جاراندارىما ۇزدىكسىز جەتكىزىپ، ۇگىت قىزمەتىنە ءبىركىسىلىك ۇلەسىمدى قوسامىن».

  اتتىلار ۇگىت - لەكسيا ۇيىرمەسىنىڭ القالار مۇشەسى، اراسان اۋدانى اققوي اسىل تۇقىمدى مال فەرماسى شارۋاشىلىق 2- اترەتىنىڭ شۋجيى ءانۋار مۇراتقان ۇلى: «بۇگىنگى ۇگىت-لەكسيا قىزمەتىمىزگە قىزمەت اترەتىندەگى جولداستار، فەرماداعى پارتيا كادرلارى مەن پارتيا مۇشەلەرى وزدىكتەرىنەن بەلسەنە ات سالىستى، شالعاي تاۋلى وڭىردەگى قالىڭ مالشى قاۋىمنىڭ قىزۋ القاۋىنا يە بولدىق. بۇدان كەيىن دە ۇگىت - لەكسيا قوسىنىمىزدى بارىنشا كەمەلدەندىرىپ، پارتيا 19 - قۇرىلتايىنىڭ رۋحىن ءار ۇلت حالىق بۇقاراسىنىڭ جۇرەگىنە ۇيالاتامىز»،-دەدى.

  ءتىلشىنىڭ قىزمەت ورنى: اراسان اۋداندىق راديو-تەلەۆيزيا مەكەمەسى

جاۋاپتى رەداكتور: قابىلقان ايتقابىل ۇلى
  • ەلەكتروندى ساۋدانىڭ كەرەگەسى كەڭەيە ءتۇستى
  • قايىرىمدى جاستىڭ قامقورلىعى
  • مەيىربان انالار وتباسىندا قيىنشىلىعى اۋىر ورەندەرگە انالىق مەيىر كورسەتتى
  • قابا اۋدانىندا ەگىنشى - مالشىلار پارتيا 19- قۇرىلتايىنىڭ رۋحىن ۇيرەندى