اعاجاي-التاي تورابى   ›   اقپارات ايدىنى   ›   سۋرەتتى حابارلار

قايىرىمدى جاستىڭ قامقورلىعى

ەرباقىت قابدەش ۇلى حابارلايدى. 

بۇگىنگى مىناۋ جاز شۋاعىنداي جاراسىمدى جارقىن زامانىمىزدا ءوزىنىڭ قاجىرلى ەڭبەگىنىڭ ءتاتتى جەمىسىن كورىپ، ءوز تۇستاستارىنان وزا شاۋىپ كوپتىڭ ونەگەلى ۇلگىسى بولىپ، ازاماتتىعىن ادا ەتىپ، كەلە جاتقان ازاماتتارىمىزدىڭ ءبىرى - جەمەنەي اۋداندىق قوعام حاۋىپسىزدىك مەكەمەسىنىڭ قاتىناس ساقشى اترەتىنىڭ قىزمەتكەرى ەجىك قايرات ۇلى باسقالارعا كومەكتەسۋدى داڭىق ساناپ، ناقتى ءىس ارەكەتىمەن قوعامداعى كومەككە مۇقتاج جاندارعا قول ءۇشىن بەرىپ، جاقىننان جاردەم كورسەتۋدى ءوزىنىڭ كۇندەلىكتى داعدىلى ارەكەتىنە اينالدىرىپ كەلەدى.

  اتاپ ايتقاندا، ەجىك 1990 – جىلى قارا پايىم وتباسىندا ءومىر ەسىگىن اشادى. وكىنىشكە وراي، 2011- جىلى << جىعىلعاننىڭ ۇستىنە جۇدىرىق >> دەگەندەيىن، مارحۇم اكەسى قايرات قىزمەت ۇستىندە قازا بولادى. سونىمەن ءبىر وتباسىنىڭ بارلىق قيىنشىلىعى شەشەسى شولمەيدىڭ مويىنا ءتۇسەدى. بۇل بارىستا شەشەسى ەكى بىردەي ۇل بالاسىن جاقسى وقتۋدى انالىق بورىشى ساناپ ولاردىڭ بارلىعىن جوعارى مەكتەپكە اتتاندىرادى.

وسى قاتاردا جوعارى مەكتەپتى ناتيجەلى تامامداعان ەجىك 2014- جىلى جەمەنەي اۋداندىق قاتىناس ساقشى مەكەمەسىنە قىزمەتكە قابىلدانادى. بۇل سالانىڭ قىزمەتى وتە جاپالى بولىپ، بۇل ەجىك باۋىردىڭ شىڭدالۋىنا ۇلكەن جول اشادى.

  وسى بارىستا ەجىك ءوزىنەن كەيىنگى ءبىر ءىنىسى وردەننىڭ جەكە كاسىپپەن شۇعىلدانۋىنا جاقىننان جاردەمدەسىپ، ونىڭ دەربەس كاسىپتەنۋىنە قارجى توپتاپ وسى ارقىلى وعان ارناۋلى ماشينا ريموننتاۋ دۇكەنىن اشتىرىپ بەرەدى. ءارى قوسىمشا تاعى دا ءبىر ماشينا ريمونتتاۋ دۇكەنىن اشىپ، وعان قوعامداعى قيىنشىلىعى بار ازاماتتاردى كاسىپتەندىرۋ ويىنا كەلەدى. قازىر وسى دۇكەندە ريزابەك ەسىمدى وتباسىندا قيىنشىلىعى اۋىر ءبىر جىگىتكە كومەك قولىن سوزىپ وعان ءتيسەلى ەڭبەك اقىسىن اي سايىن بەرىپ، كاسىپتەندىرىپ وتىر.

  2015- جىلى 11-ايدىڭ 25- كۇنى ماناس اۋدانى سۋساتقان اۋىلىندا بۇلبۇل قايروللا قىزى اتىندا قۇرىلعان بىرلىك قور ۇيىمىنىڭ جەمەنەيدەگى بولىمشەسى 2016- جىلى 4- ايدىڭ 1-كۇنى العاش 40 اداممەن شاڭىراق كوتەرگەن وسى ۇيىمعا ەجىك ەرىكتى ءبىر مۇشەسى بولىپ قاتىناسىپ، قوعامداعى كومەككە ءزارۋ جاندارعا مەيىرىمدىلىك كورسەتۋىن ءوزىنىڭ ازاماتتىق بوي تۇمارى ەتەدى. وسى بارىستا ول كوپتەگەن جاندارعا اقشالاي جىلۋ اتاپ كوپ كوزىنە ءتۇسىپ، قايىرىمدىلىعى ارقىلى قامقورلىق تانىتادى.

  ۇستەگى جىلى 15- قاراشا كۇنى ول ءوزى جالعىز جەمەنەي اۋداندىق قارتتار كۇتىمحاناسىنا بارىپ، ءبىر باس مالىن سويىپ، وسىنداعى پاناسىز قارتتاردان حال سۇراپ، بەرەكە داستارقانىن ءجايىپ، قايىرىمدىلىقتىڭ قارا شاڭىراعىنداعى قامسىز كۇندەر وتكىزىپ جاتقان قارتتاردىڭ العىسقا تولى اق باتاسىن الىپ، وسىنداي ءوزىنىڭ ءىس جۇزىندىك ءامالي قيمىلى ارقىلى قوعامداعى جانداردىڭ ىستىق ىقىلاستى قۇرمەتىنە بولەنەدى.

  << ءبارىن ايتتا، ءبىرىن ايت >> دەمەكشى، ەجىك باۋىرىمىزدىڭ باسقالارعا كومەكتەسىپ، قينالعانداردىڭ ءار كەز جانىنان تابىلعان ادامگەرشىلىك اسىل قاسيەتى مەن مەيرباندىق ىزگى ىستەرى بۇل كۇندەرى اۋىزدان اۋىزعا تارالۋدا.

  ءوزىنىڭ قوعامعا ءبىر كىسىلىك ۇلەستەر قوسىپ، ازاماتتىعىن ادا ەتكەكەن كوپشىل كوپەس كوڭىلى قازىرگى جاستارىمىزدىڭ ۇيرەنۋ ۇلگىسى بولسا ەكەن دەگەن تىلەكتەمىز.

  ءتىلشىنىڭ ءادىرىسى:  جەمەنەي اۋدانى ۇلاستى قالاشىعى

جاۋاپتى رەداكتور: قابىلقان ايتقابىل ۇلى
  • مەيىربان انالار وتباسىندا قيىنشىلىعى اۋىر ورەندەرگە انالىق مەيىر كورسەتتى
  • قابا اۋدانىندا ەگىنشى - مالشىلار پارتيا 19- قۇرىلتايىنىڭ رۋحىن ۇيرەندى
  • چىن چۋانگو رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ جينالىسىنا قاتىناسقان شينجياڭ ۋاكىلدەرىمەن كەزدەسكەندە
  • شي جينپيڭ رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ ماجىلىسىنە قاتىناسقان ۋاكىلدەرمەن كەزدەستى