اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ ماجىلىسىنە قاتىناسقان ۋاكىلدەرمەن كەزدەستى

ۋاڭ حۋنيڭ كەزدەسۋگە قاتىناستى ءارى ماداقتاۋ - سيلاۋ ماجىلىسىندە ءسوز سويلەدى

  رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ ءماجىلىسى 17 - قاراشادا بەيجيڭدەگى حالىق سارايىندا وتكىزىلدى. ماجىلىستەن بۇرىن، شي جينپيڭ، ۋاڭ حۋنيڭ قاتارلى باسشىلار ماجىلىسكە قاتىناسقان ۋاكىلدەرمەن كەزدەستى.
  سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
     شينحۋا اگەنتتىگىنىڭ 17 - قاراشادا بەيجيڭنەن بەرگەن حابارى (تىلشىلەر ۋ جيڭ، حۋاڭ شياۋشي). رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ ءماجىلىسى 17 - قاراشادا بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ماجىلىسكە قاتىناسقان جاڭا كەزەكتى مەملەكەتتىك وركەنيەتتى قالالاردىڭ، وركەنيەتتى قىستاق - قالاشىقتاردىڭ، وركەنيەتتى ورىنداردىڭ، وركەنيەتتى مەكتەپتەردىڭ، ازامات جاسىنا تولماعانداردىڭ يدەيالىق - ءمورال قۇرىلىسى قىزمەتىندەگى وزاتتاردىڭ ۋاكىلدەرىمەن جانە مەملەكەتتىك ءمورال ۇلگىلەرىنىڭ ۋاكىلدەرىمەن ىقىلاستى بەينەدە كەزدەسىپ، ۋاكىلدەردى قىزۋ قۇتتىقتادى، ولاردى كۇش ۇستىنە كۇش قوسىپ، سوتسياليستىك رۋحاني وركەنيەت قۇرىلىسىندا تاعى دا تىڭ ۇلەس قوسىپ، باستاماشى بولۋعا شابىتتاندىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق رۋحاني وركەنيەت قۇرىلىسىنا جەتەكشىلىك ەتۋ كوميتەتىنىڭ مەڭگەرۋشىسى ۋاڭ حۋنيڭ كەزدەسۋگە جانە ماداقتاۋ - سيلاۋ ماجىلىسىنە قاتىناستى.
17 - قاراشا تۇستەن بۇرىن، حالىق سارايىنىڭ التىن ءتۇستى زالى مەيىرگە تولىپ، رۋحاني وركەنيەت قۇرىلىسى جونىندەگى مەملەكەتتىك ماداقتاۋ - سيلاۋ ماجىلىسىنە قاتىناسقان 600دەن استام ۋاكىلدىڭ رۋحى تاسقىنداپ، جۇزدەرىنەن كۇلكى ەستى. ساعات 9دان 30 مينۋت وتكەندە، شي جينپيڭ قاتارلى باسشىلار وسىندا كەلگەندە، جيىن زالىنان دۋ قول شاپالاق ءۇنى كوتەرىلدى. شي جينپيڭ قاتارلى باسشىلار قۋانىشتى بەينەدە ۋاكىلدەرمەن ىستىق ىقىلاستى تۇردە قول الىسىپ، شىنايى اڭگىمەلەستى، ۋاكىلدەر جابال باس شۋجيگە امانداستى. مەملەكەتتىك ءمورال ۇلگىلەرىنىڭ ۋاكىلدەرى، جۇڭگو كەمە جاساۋ اۋىر ونەركاسىپ توبى 719 زەرتتەۋ ورنىنىڭ 93 جاستاعى قۇرمەتتى باستىعى حۋاڭ شۇيحۋا، گۇيجوۋ ولكەسى زۇن - ي قالاسى بوجوۋ رايونى پيڭجىڭ مىلاۋ ۇلتتىق اۋىلى ساۋۋاڭبەي قىستاعى پارتيا ياچەيكاسىنىڭ 82 جاستاعى بۇرىنعى شۋجيى حۋاڭ دافا سىندى 2 قاريانىڭ ۋاكىلدەردىڭ اراسىندا تۇرەگەپ تۇرعانىن كورىپ، شي جينپيڭ ولاردىڭ قولىنان ۇستاپ، ءوزىنىڭ جانىنا وتىرۋعا شاقىردى. ەكەۋى تارتىنشاقتاپ ەدى، باس شۋجي قايتا - قايتا شاقىردى، اقىرى ولار باس شۋجيدىڭ جانىنا وتىردى. باس شۋجيدىڭ قارت ۇلگىلەرگە دەگەن قامقورلىعى مەن قۇرمەتىنە زالداعىلار توتەنشە تەبىرەندى، كوپشىلىكتىڭ شاپالاق ءۇنى ۇزاققا سوزىلدى. وسىدان كەيىن، شي جينپيڭ قاتارلى باسشىلار ۋاكىلدەرمەن بىرگە ەستەلىك سۋرەتكە ءتۇستى.
ۋاڭ حۋنيڭ ماداقتاۋ - سيلاۋ ماجىلىسىندە ءسوز سويلەدى. ول بىلاي دەدى: باس شۋجي شي جينپيڭنىڭ ماجىلىسكە قاتىناسقان جولداستارمەن ىقىلاستى تۇردە كەزدەسۋى باس شۋجيدىڭ سوتسياليستىك رۋحاني وركەنيەت قۇرىلىسىنا وسكەلەڭ ءمان بەرگەندىگىن، رۋحاني وركەنيەت قۇرىلىسىنىڭ شايقاس شەبىندەگى جولداستارعا دەگەن ىقىلاستى قامقورلىعىن تولىق ايگىلەدى. 5 جىلدان بەرى، سوتسياليستىك رۋحاني وركەنيەت قۇرىلىسىندا تاريحي تابىستارعا قول جەتىپ، تاريحي وزگەرىستەردىڭ تۋىلۋى، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. جاڭا داۋىردە رۋحاني وركەنيەت قۇرىلىسىن تىڭعىلىقتى يگەرۋدە پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتۋ كەرەك، بارىنەن دە ماڭىزدىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، تاربيەلەۋدى جانە ۇگىتتەۋدى، ءتۇسىندىرۋدى كۇشەيتۋ كەرەك. سوتسياليستىك وزەكتى قۇن كوزقاراسىن بەلسەندىلىكپەن جەتىلدىرىپ جانە امالياتتا ايگىلەپ، مۇرات - سەنىم تاربيەسىن كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتىن زور كۇشپەن ساۋلەلەندىرىپ، بۇقارالىق رۋحاني وركەنيەت قۇرىلىسى قيمىلىن تەرەڭدەتىپ، حالىقتى وزەك ەتكەن قىزمەت باعىتىنان جازباي، تيپتىك ۇلگىلەردى جەتەكشى ەتۋگە دەن قويىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم تىڭعىلىقتى تۇلعالاۋ كەرەك. پارتيانىڭ باسشىلىعىن كۇشەيتىپ، قىزمەتتەردى جاقسارتۋدى، جاڭالىق اشۋدى جەبەپ، ادامداردى پارتيا 19 - قۇرىلتايى تۇراقتاندىرعان نىسانا - مىندەتتەردى جۇزەگە اسىرۋ ءۇشىن كۇرەس جاساۋعا شابىتتاندىرۋ كەرەك.
ديڭ شۋەشياڭ كەزدەسۋگە قاتىناستى، ليۋ ياندۇڭ كەزدەسۋگە قاتىناستى ءارى ماجىلىستە ماداقتاۋ - سيلاۋ قارارىن وقىدى، حۋاڭ كۇنميڭ كەزدەسۋگە قاتىناستى ءارى ماداقتاۋ - سيلاۋ ءماجىلىسىن باسقاردى.
ماجىلىستە ماداقتالىپ - سيلانعان ۋاكىلدەرگە سيلىق تاراتىلدى. 5 - كەزەكتى مەملەكەتتىك وركەنيەتتى قالالاردىڭ، مەملەكەتتىك وركەنيەتتى قىستاق - قالاشىقتاردىڭ، مەملەكەتتىك وركەنيەتتى ورىنداردىڭ ۋاكىلدەرى، 1 - كەزەكتى مەملەكەتتىك وركەنيەتتى مەكتەپتەردىڭ ۋاكىلدەرى، 1 - كەزەكتى مەملەكەتتىك ازامات جاسىنا تولماعانداردىڭ يدەيا - ءمورال قۇرىلىسى قىزمەتىندەگى وزاتتاردىڭ ۋاكىلدەرى، 6 - كەزەكتى مەملەكەتتىك ءمورال ۇلگىلەرىنىڭ ۋاكىلدەرى ماجىلىستە جەكە - جەكە ءسوز سويلەدى.

جاۋاپتى رەداكتور: قابىلقان ايتقابىل ۇلى
  • قارت پارتيا مۇشەسى راديودان قۇرىلتاي رۋحىن ۇيرەندى
  • قابات ۇيگە يە بولعاندار قاباعات قۋاندى
  • ۇگىت-لەكسيا قيمىلى بۇقارانىڭ قۇرىلتاي رۋحىن ۇيرەنۋ قىزعىندىلىقتارىن ارتتىردى
  • وقۋشىلارعا ايدىس اۋىرۋىنىڭ الدىن الۋ جونىندە لەكسيا جاسالدى