اعاجاي-التاي تورابى   ›   اقپارات ايدىنى   ›   سۋرەتتى حابارلار

وقۋشىلارعا ايدىس اۋىرۋىنىڭ الدىن الۋ جونىندە لەكسيا جاسالدى

  ىنتىماق داۋلەتباي ۇلى حابارلايدى.

  پارتيا 19-قۇرىلتاي رۋحىن جەتەكشى ەتىپ، وقۋشىلارعا بولعان احاۋسىزدىق تاربيەسىن عىلىمي ءورىس الدىرىپ، ولارعا ايدىس اتتى تاجالدىڭ قاتەرى مەن زاردابىن تەرەڭدەي ۇعىندىرىپ، ايدىستان ساقتانۋ، ايدىستىڭ تارالۋىنىڭ الدىن الۋ تانىمدارىن جوعارلاتۋ ارقىلى ولاردى تۇتاس ادامزاتپەن بىرگە ايدىستى تۇبەگەيلى جويۋدىڭ جويقىن جورىعىنا ات سالىسۋعا ىنتالاندىرۋ سونداي-اق جاقىنداپ قالعان 1-جەلتوقسان «حالقارالىق ايدس كۇنىن» اتاپ ءوتۋ بايلانىسىمەن بۋرىلتوعاي اۋداندىق 1–تولىق ورتا مەكتەبى 15–قاراشادا تولىق ورتا مەكتەپتىڭ 1-جىلدىعىنا جاڭادان قابىلدانعان وقۋشىلارعا ايدىس اۋىرۋى جونىندە لەكسيا جاساۋ قيمىلىن ورىستەتتى.

  قازىر ايدىس اۋىرۋىن جويۋ دۇنيە حالقىنىڭ ورتاق ۇرانى بولىپ، تۇتاس جەر شارى سيپاتىندىق دابىرالى قيمىلعا اينالدى.1981-جىلى ا ق ش-ىندا تۇڭعىش رەتكى ايدىس ۇيروسىن جۇقتىرۋشى اشىق جاريا بولعاننان بەرگى قىسقا عانا بىرنەشە ون جىلدا ايدىس اتتى جەگى قۇرت ادامزات الەمىنە ۇلكەن اپات اكەلىپ، قازىرگە دەيىن 25 ميلليوننان استام ادامنىڭ ءومىرىن جالماپ، سان ميلليون وتباسىن ويرانداپ، قوعامعا تۇگەپ بەرمەس اۋىرتپاشىلىق پەن اۋرەشىلىك اكەلىپ وتىر. تەك ەلىمىزدىڭ وزىندە 2011-جىلى ءبىر جىلدىڭ ىشىندە ايدىستەن ولگەن ادام سانى 16 مىڭ 338 گە جەتىپ، بۇلاردىڭ باسىم كوپ ساندىسى 18 ~24 جاس ارالىعىنداعى بالعىن جاستار ەكەن.

  مەكتەپ يدەيا ءمورال باسقارماسى مەن وداق كوميتەتى اۋداندىق جۇقپالى اۋىرۋلاردىڭ الدىن الۋ جانە تىزگىندەۋ ورتالىعىنداعى تانىمال مامان لي حۇي جولداستى ارناۋلى لەكسيا جاساۋعا ۇسىنىس ەتىپ، وقۋشىلارعا ايدىس اۋىرۋى جونىندە عىلىمي تۇسىنىك بەرىپ، ايدىستىڭ ادامزات الەمىنە سالىپ وتىرعان وراسان ويرانشىلدىعىن، ونىڭ ءار وتباسىنا كەلتىرەر زيانىن، ايدىستىڭ جۇعىمدالۋ جولدارىن، ونىڭ الدىن الۋ، ساقتانۋ شارالارىن ەگجەي-تەگجەيلى ءتۇسىندىرىپ، وقۋشىلارعا ساقتىق دابىلىن قاقتى. مەكتەپ تاعى دا ءارقايسى كلاستارعا ەكى تىلدە باسىلعان ۇگىت ماتەريالىن تاراتىپ بەرىپ، ساباقتان تىس ۋاقىتتا ەرىكتى وقىپ ۇيرەنۋگە ۇيىمداستىردى سونداي-اق ەكى ۋاقىتتاعى ۇزاق دەمالىستا مەكتەپ راديوسى ارقىلى دا ايدىسقا قاتىستى ماقالالاردى وقىپ تاراتىپ، وقۋشىلارعا اسەر، تۇسىنىك سويلەتۋ، ۇشپا گازەت، قاتىستى كەسكىن-تاسپالاردى كورسەتۋ قاتارلى جولدارمەن دە ۇگىت تەبىنىن ارتتىرىپ، وقۋشىلاردىڭ ايدىسقا قارسى تۇرۋ جانە ودان ساقتانۋ سەنىمدەرىن بەكەمدەپ، جاراسىمدى ءومىردى قاستەرلەۋ تانىمدارىن بارىنشا جوعارلاتتى.

  ءتىلشىنىڭ قىزمەت ورنى: بۋرىلتوعاي اۋداندىق 1-تولىق ورتا مەكتەپ

جاۋاپتى رەداكتور: جانار قاناپيا قىزى
  • قابا اۋداندىق پارتكوم ۇيىمداستىرۋ ءبولىمى حالىق جۇمىسكەرلەرىنە قۇرىلتاي رۋحىن جەتكىزدى
  • اۆتونوميالى رايوندىق لەكتورلار ۇيىرمەسى قازاق تىلىندە جاساعان پارتيا 19-قۇرىلتايىنىڭ رۋحى لەكسياسىن الىس ارالىقتان تىڭدادى
  • ساقا كادىرلار وتباسىنا بارىپ 19- قۇرىلتاي رۋحىن جەتكىزدى
  • بايانداما جاساۋ جينالىسى بۇقارالارعا زور شابت سيلادى