اعاجاي-التاي تورابى   ›   مادەنيەت ارناسى   ›   بىلگەنگە مارجان

باقىت باعادا ەمەس، ارداقتاۋدا

  شيا ايحۋا

  ەجەلدەن بەرى ادامدار باقىتتى ءسان - سالتاناتقا سالىناتىن، تەك بولىمسىز زات ەسىم عانا ەمەس، مول زاتتىق قور دەپ ساناپ كەلگەن. باقىتتى بالىققا تەڭەسەك، تۇمسىقتان ءىلىپ ءتۇسۋ ءۇشىن قارماق پەن بالىق جەمىن دايىنداۋعا تۋرا كەلەدى، ال باقىتتى قۇسقا بالاساق، ونى قولعا قوندىرۋ ءۇشىن قاپاس ازىرلەۋىمىز كەرەك شىعار؟ سوندىقتان مەن باقىت باعادا ەمەس، ارداقتاۋدا دەپ بىلەمىن.

  باقىتقا قول جەتكىزۋ ءۇشىن بۇرىن باسىمدى ءباي تىگە قۇلشىنعام. حان سارايىنداي ءۇيىم بولۋ ءۇشىن، بارلىق دەمالىسىمنان ۋاز كەشتىم، ۇستەمە اقىنى كوپتەپ تابۋ ءۇشىن، كەڭسەمدى جانۇيامداي كوردىم. تولاسسىز قات - قابات قاربالاستىقتىڭ ىشىندە جۇرگەندە، ءبىر كۇنى اسقازان اۋرۋىم ۇستاپ، لاجىسىزدان وپەراتسيا توسەگىنە تاڭىلدىم. وپەراتسيادان كەيىن رۋحاني جاقتاعى قۇلازۋ كوكىرەگىمدى قارىس ايىردى. سول كەزدە انام ءبىر كەسە تاۋىق سورپاسىن اكەلىپ، قاسىقتاپ اۋزىما قۇيا وتىرىپ، «بالام، ءبىرىنشى بايلىق − دەنساۋلىق، دەنساۋلىق بولعاندا عانا بارىنەن ءۇمىت كۇتۋگە بولادى»، - دەپ جۇباتقاندا، ىستىق مەيىر مەن جىلى سوزدەن توگىلگەن باقىتتىڭ جاسى بەتىمدى جۋدى، مەن سول ساتتە باقىتتىڭ شىنىمەن دە قاراپايىم ەكەنىن ءبىلدىم.

  قازىر كولەمى شاعىن باسپانام بولعانىمەن، جۇرەگىم تىنىش، كوڭىلىم جايلى. تەرەزە الدىنداعى گۇل ماساتىداي قۇلپىرىپ، كۇن ەمىرەنە شۇعىلاسىن توگەدى. دەمەك، مەن ادامنىڭ باقىتتى بولۋى ءۇيىنىڭ كولەمىنىڭ ۇلكەن - كىشىلىگىمەن قاتىسسىز ەكەنىن، ءبىر قاراپايىم ادام جونىنەن العاندا، قاپاستاي قالتقىڭ بولىپ، بوران - شاشىندا پانا بولسا، سونىڭ ءوزى ءبىر باقىت؛ كوڭىلى قالاعان جۇمىستى ىستەۋ ءبىر باقىت؛ ويىڭداعىداي تۇرمىستى كەشىرۋ دە ءبىر باقىت؛ جان اشىر جاقىندارىڭمەن باس قوسۋ ءبىر باقىت؛ سۇيگەن ادامىڭمەن نەكەلەنۋ دە ءبىر باقىت؛ بالا - شاعاڭمەن سەميانىڭ شاتتىعىن سەزىنۋ ءبىر باقىت ەكەنىن... اقىرى سەزىندىم.

  باقىت، راسىندا، باعادا ەمەس، ارداقتاۋدا. باقىت، باسىنا كۇن تۋعان ادام جونىنەن العاندا، الىستان ءجۇزىپ كەلە جاتقان كەمەنى كورگەندەگى تولعانىستان شىققان كوز جاسى؛ كاسىپسىز ادام جونىنەن العاندا، جۇمىس تاۋىپ، بوركىن اسپانعا اتۋ؛ ساتسىزدىككە ۇشىراعان ادام جونىنەن العاندا، تالماي تالپىنىپ تابىستىڭ شۇعىلاسىنا بولەنۋ؛ اۋىلىنان الىس جۇرگەن ادام جونىنەن العاندا، تۋعان ەلىندەگى تۋىس - تۋعانىمەن قاۋىشىپ، ءومىردىڭ قۋانىشىنا شومۋ. ال بۇلاردىڭ ءبارى دە سونشاما مول قارجىنى قاجەت ەتپەيدى.

  باقىت باعادا ەمەس، ارداقتاۋدا. ەڭ باقىتتى تۇرمىس، شىن مانىندە، ەڭ قاراپايىم تىرشىلىك ەتۋ. ءبىر ادامنىڭ قارا قوستاي جاتار ورنى بولسا، ساناۋلى قيماستارىمەن سىرلاسىپ تۇرسا، ءۇي ءىشى مەيىرگە تولى بولىپ، جانعا جىلۋلىق باعىشتاسا، كۇندىز قىزمەتتى مۇقيات ىستەپ، كەشتە تىپ - تىنىش ۇيقىعا باتسا، مىنە بۇل زور باقىت.

  باقىت باعادا ەمەس، ارداقتاۋدا. بوراندا ىق، جاڭبىردا بوي تاسالايتىن باسپاناڭ بولسا، وزەگىڭ تالعاندا، جۇرەك جالعار ءبىر كەسە ءدانىڭ بولسا، سۋىقتان ساقتار ءبىر قابات قامساۋىڭ بولسا، سىرقاتتانعاندا ءبىر ادام شىن نيەتىمەن سۇيەۋ بولسا، شىن باقىت دەگەن مىنە وسى. سايىپ كەلگەندە، قاناعات ەتسەڭ، باقىت سەزىمى جانىڭدى تەربەيدى.

جاۋاپتى رەداكتور: ءاننا اكىمقان قىزى
  • العاشقى قار
  • قابا اۋدانى جايىلما اۋىلى مال ساپاسىن جاقسارتۋدى كوزدە ۇستادى
  • قۇرىلتاي رۋحىن ىشكەرلەي ۇگىتتەدى
  • سارتام اۋىلدىعى شالعايداعى مالشى وتباسىلارىنا بارىپ، پارتيا 19-قۇرىلتاي رۋحىن جەتكىزدى