اعاجاي-التاي تورابى   ›   حابارلاندىرۋ

ساياحاتتاتۋشىلاردى باسقارۋ ءادىسى كەلەر جىلى رەسمي اتقارىلادى

  ءتىلشىنىڭ 2 – قاراشا كۇنى مەملەكەتتىك ساياحات مەكەمەسىنەن ۇعىسۋىنشا، مەملەكەتتىك ساياحات مەكەمەسى جاقىندا «ساياحاتتاتۋشىلاردى باسقارۋ ءادىسىن» جاريالاپ، ساياحاتتاتۋشىلار قوسىنى قۇرىلىسىن ىشكەرىلەي كۇشەيتىپ، ساياحاتتاتۋشىلاردىڭ زاڭدى ۇقىق - مۇددەسىن قامتاماسىزداندىرىپ، قىزمەت وتەۋ ورەسىن جوعارىلاتتى. اتالعان باسقارۋ ءادىسى 2018 – جىلى 1 – قاڭتاردان باستاپ رەسمي اتقارىلادى.

  مەملەكەتتىك ساياحات مەكەمەسىنىڭ قاتىستى جاۋاپتى ادامىنىڭ تانىستىرۋىنشا، باسقارۋ ءادىسى جالپى ەرەجە، ساياحاتتاتۋشىلاردىڭ كاسىپپەن شۇعىلدانۋ رۇقساتناماسى، ساياحاتتاتۋشىلاردىڭ كاسىپپەن شۇعىلدانۋىن باسقارۋ، ساياحاتتاتۋشىلاردىڭ كاسىپپەن شۇعىلدانۋىن قامتاماسىزداندىرۋ جانە ولارعا دەم بەرۋ، جازالاۋ ەرەجەسى مەن قوسىمشا ەرەجە قاتارلى التى تاراۋدى قامتىپ، جالپى 40 تارماقتان قۇرالعان. مۇنىڭ ىشىندە ساياحاتتاتۋشىلار كۋالىگى ەلەكتروندىق كۋالىكتى قولداناتىنىن بەلگىلەدى، ساياحاتشى، كورىنىس رايونى، زاڭ اتقارۋ قىزمەتكەرلەرى قاتارلىلار ەلەكتروندىق ساياحاتتاتۋشىلار كۋالىگىندەگى ەكىلىك ءنومىردى جايمالاۋ ارقىلى ساياحاتتاتۋشىلاردىڭ سالاۋاتىن كورۋىنە بولادى. بۇرىنعى IC كارتۋچكالى ساياحاتتاتۋشىلار كۋالىگى 2017 – جىلى 31 – قازاننان باستاپ ىستەتىلمەيدى، ەلىمىز بويىنشا ەلەكتروندىق ساياحاتتاتۋشىلار كۋالىگىن قولدانۋ رەسمي ىسكە قوسىلدى.

  مەملەكەتتىك ساياحات مەكەمەسىنىڭ قاتىستى جاۋاپتى ادامى: باسقارۋ ءادىسى ساياحاتتاتۋشىلاردىڭ كۇندەلىكتى كاسىپپەن شۇعىلدانۋ ارەكەتىنە ناقتىلى تالاپتاردى ورتاعا قويىپ، جەتەكشىنىڭ ەستەلىككە الۋ - باسقارۋ ءتۇزىمىن قايتادان قارادى. باسقارۋ ءادىسى «ساياحات زاڭىنىڭ» 35 – تارماعىنداعى بەلگىلەمەنى ءتىپتى دە جىڭشكەلەپ، ساياحاتتاتۋشىلاردىڭ كاسىپپەن شۇعىلدانۋىندا ءوز الدىنا وزگەرىس جاساپ، ساپار بارىسىن وزگەرتۋىنە بولمايتىنىن انىق كورسەتىپ، الداۋ نەمەسە زورلىقپەن ساياحات بۇيىمدارىن ساتىپ الدىرۋ قاتارلى زاڭ مەن بەلگىلەمەگە قايشى 11 ٴتۇرلى ارەكەتكە تيىم سالىپ، وسىعان قاتىستى زاڭدىق جاۋاپكەرشىلىگىن تۇراقتاندىردى.

جاۋاپتى رەداكتور: جانار قاناپيا قىزى
  • مىنا اسەم كورىنىستەرگە قاراپ ءسىز التايدىڭ قىسىن قانشالىقتى جاقسى كورەتىنىڭىزدى ۇعىنا الاسىز
  • ورتالىق اسكەري ىستەر كوميتەتى گەنەرال پولكوۆنيك اسكەري شەنىن بەرۋ ءراسىمىن وتكىزدى
  • شي جينپيڭ جۇڭگو كوممۋنيستىك پارتياسىنىڭ 1 - قۇرىلتايى اشىلعان جەردى قۇرمەتپەن كورگەن كەزدە
  • قىس مەزگىلى كىرۋ الدىنداعى التايدىڭ التىن كۇزى