اعاجاي-التاي تورابى   ›   مادەنيەت ارناسى   ›   بىلگەنگە مارجان

قاراپايىم دۇنيە بولىپ كورىنەتىن مىنا 10 ۇستانىم كەز-كەلگەن ادامدى باقىتسىز ەتەدى

  ءار ادام باقىت پەن وعان جەتۋ جولىن تۇرلىشە تۇسىنەدى، ءبىراق، بىزگە باقىتتى ءومىر سۇرۋگە كەرى اسەرىن تيگىزەتىن ورتاق فاكتىلەر دە بار.

  باقىتتى بولۋدىڭ ەڭ قاراپايىم ءتاسىلى - ۇنەمى كۇلىمسىرەپ ءجۇرۋ.

  10. وياتقىشتىڭ ۋاقىتىن وزگەرتۋ

  اعزامىز ويانعاننان كەيىن بىردەن ىسكە كىرىسىپ كەتە المايدى، قايتا-قايتا ۇيقىعا كەتكىسى كەلىپ تۇرادى. سول سەبەپتى، ءبىز ءجيى وياتقىش ۋاقىتىن العا جىلجىتىپ وتىرامىز، ناتيجەسىندە تاڭعى اسىمىزدى اسىعىس ءىشىپ، كيىمىمىزدى ۇتىكتەپ ۇلگەرمەيمىز، وسىنىڭ سالدارىنان كوڭىل-كۇيىمىز بۇزىلىپ، اشۋعا بوي الدىرامىز.

  كەڭەس: تاڭەرتەڭ جاتتىعۋ جاساعان كەزدە ۇنەمى ءبىر عانا اۋەندى تىڭداڭىز، سونى وياتقىشتىڭ اۋەنى رەتىندە قويىپ قويىڭىز. ەندى وياتقىشتىڭ ءۇنى جاعىمسىز اسەر سىيلامايدى. مۇنىمەن قاتار، ۇيقى ترەكەرىن قولدانۋىڭىزعا بولادى. ول تاڭەرتەڭ وزدىگىڭىزدەن ويانۋعا كومەكتەسەدى.

  9. ءجيى كەشىگۋ

  ءبىر جەرگە كەشىگىپ بارعان ءساتىڭىزدى ەسكە الىڭىزشى. دەنەڭىز تىتىركەنىپ، كولىكتى دۇرىس جۇرگىزۋدى بىلمەيتىن جۇرگىزۋشىلەرگە، ۇنەمى قىزىل كوزى جانىپ تۇراتىن باعدارشامدارعا تاپ بولاسىز. بۇدان وزگە وتكىزىپ العان ساباق پەن ايىپ پۇل ءۇشىن الاڭدايسىز. ءۇي مەن جۇمىس اراسىنداعى جول ءبىر ساعات ۋاقىتتى الادى دەلىك. اپتاسىنا ءۇش رەت كەشىكسەڭىز، جىلىنا 156 ساعاتىڭىزدى جوعالتاسىز،ياعني ەكى اپتا ۋاقىتىڭىز تولىقتاي كۇيزەلىسپەن ءوتتى دەسەڭىز دە بولادى.

  كەڭەس: «ناقتىلىق - پاتشالاردىڭ سىپايىلىعى» دەگەن ءسوز بار. سول سەبەپتى، ءوزىڭىزدىڭ عانا ەمەس، وزگەنىڭ دە ۋاقىتىن سىيلاي ءبىلىڭىز.

  8. قاجەتسىز زاتتاردى كوپتەپ ساتىپ الۋ

  ءوزىمىزدى ءاردايىم كىشىگىرىم قۋانتىپ وتىرۋدىڭ ەش ابەستىگى جوق، ءبىراق، بۇل جەردە ماركەتولوگ مامانداردىڭ ۇلەسى بار ەكەنىن دە ۇمىتپاڭىز. ناتيجەسىندە قاجەتسىز زاتتار ساتىپ الامىز دەپ قالتامىز ايتارلىقتاي جۇقارىپ قالۋى مۇمكىن. قانشا اقشاڭىز جەلگە ۇشقان ەكەن؟ وسى اقشاعا شەتەلگە قىدىرىپ قايتۋعا بولاتىن ەدى.

  كەڭەس: جەلىدە بىرنەشە جىل بويى قاجەتسىز زاتتار ساتىپ الماۋعا تىرىسقان ادامدار تۋرالى ۆيدەولاردى كورگەن شىعارسىز. بالكىم، سول ادامداردىڭ وقيعاسى سىزگە شابىت سىيلار. اقشاڭىزدى بارىنشا جيناپ، شەتەلگە ساياحاتتاعانىڭىز ءجون بولار. ساياحاتتاۋدىڭ ارقاسىندا ءوزىن باقىتتى سەزىنەدى.

  7. بارلىق جەردە ۇلگەرۋگە تىرىسۋ

  تانىمال كوۋچتار مەن ترەنەرلەر ادامداردى دەمالىسسىز جۇمىس ىستەۋگە شاقىرادى. ولاردىڭ سوزدەرىنەن كەيىن چەللەندج، مارافون، ترەنينگ جانە پرەزەنتاتسيالارعا ءجيى قاتىسامىز. وسىنداي الىپ ماقساتتاردىڭ ارقاسىندا ءبىز ومىرىمىزدەگى مايدا قۋانىشتارعا نازار اۋدارۋدى دوعارامىز.

  كەڭەس: وزىڭىزگە بۇل ماعان نە ءۇشىن كەرەك دەگەن ساۋالدى ءجيى قويىڭىز. وسىلايشا وزىڭىزگە شىن مانىندە نە كەرەگىن تۇسىنەسىز.

  6. الەۋمەتتىك جەلىنى كۇنىنە ءۇش رەتتەن ارتىق تەكسەرۋ

  عالىمدار الەۋمەتتىك جەلىدەگى بەلسەندى قولدانۋشىلاردىڭ وزدەرىن ومىردە باقىتسىز سەزىنەتىنىن دالەلدەگەن بولاتىن. بۇعان وزگەلەردىڭ قۋانىشتى ساتتەرىن جەلىدە كورۋى سەبەپشى ەكەن. ونىڭ ۇستىنە ءسىزدىڭ كۇيەۋىڭىز قۇرىلىستا جۇرگەن كەزدە، وزگەلەردىڭ سۇيىكتىسى ءىرى كومپانيالاردا جۇمىس ىستەپ جۇرگەنىن كورەسىز.

  كەڭەس. الەۋمەتتىك جەلىدەگى لەنتانى قاراپ وتىرىپ كوپتەگەن سۋرەتتىڭ جالعان نەمەسە جاساندى ەكەنىن ۇمىتپاڭىز. مۇنىمەن قاتار، كوپتەگەن ادام فوتوشوپ قولدانعاندى ۇناتادى.

  5. ۋاقىتتى دۇرىس پايدالانباۋ

  ءوز ۋاقىتىمىزدى دۇرىس پايدالانا الماعاندىقتان، كوپتەگەن ءىسىمىزدى كەيىنگە شەگەرۋىمىزگە تۋرا كەلەدى. كەيدە ءوزىمىزدى كىنالى سەزىنىپ، شىنايى قۋانا المايمىز.

  كەڭەس: جوسپارداعى جۇمىستى ىسكە اسىراتىن كەزدە، ولاردىڭ قايسىسى ماڭىزدىراق ەكەنىن انىقتاپ الىڭىز. بالاعا قاراپ ءجۇرىپ ءۇي تازالاۋ سىندى ەكى جۇمىستى ءوزارا بىرىكتىرە بىلىڭىزدەر. جاساعىڭىز كەلمەگەن ىستەردى تاڭەرتەڭگە جوسپارلاڭىزدار.

  4. دەنساۋلىققا زياندى تاعامداردى تاڭداۋ

  زياندى تاعامدار دەپ وتىرعانىمىز دۇكەندە ساتىلىپ تۇرعان تاتتىلەر. عالىمدار مۇنداي تاعامداردى تۇتىناتىن ادامداردىڭ %51 جاعدايدا كۇيزەلىسكە بەيىم كەلەتىندەرىن ايتادى.

  كەڭەس: ەگەر دەنساۋلىققا زياندى تاعامداردى جەۋگە قۇمار بولساڭىزدار، ولاردى ۇيدە ءوزىڭىز ازىرلەڭىز، سول كەزدە قۇرامىندا ناقتى نە بار ەكەنىن ءبىلىپ وتىراتىن بولاسىز. ال پيتستساعا تاپسىرىس بەرگەن كەزدە، سالماسى ازىن تاڭداڭىز، ولار تەز قورىتىلادى.

  3. پايداسىز ويلاردىڭ جەتەگىندە ءجۇرۋ

  وتكەن ىسكە وكىنۋدىڭ قاجەتى جوق. ونىڭ پايداسى جوق ەكەنىن ءوزىڭىز دە ءتۇسىنىپ تۇرعان شىعارسىز. ونىڭ ۇستىنە عىلىم دا مۇنداي ادامداردىڭ باقىتسىز بولاتىنىن ايتادى. ءتىل ۇيرەنىپ، ساياحاتتاڭىزدار. سول كەزدە ەشبىر قورقىنىشسىز ءومىر سۇرەسىزدەر.

  كەڭەس: جاعىمسىز ويلار باۋراپ العان كەزدە «وسى وي مەنىڭ بولاشاعىما اسەر ەتە مە؟» دەپ ويلاڭىز. ءتىپتى، بولماسا سۇيىكتى اۋەنىڭىزدى تىڭداپ، ساياباقتا قىدىرىپ قايتىڭىز.

  2. بولجامدار قۇرۋ

  كەيدە وزگەلەردىڭ ءبىز تۋرالى نە ويلايتىنىنا شەكتەن تىس ءمان بەرەمىز. ءتىپتى، مۇنىڭ سەبەبىن ىزدەۋگە كىرىسىپ كەتەتىن كەزدەرىمىز دە بولادى. ناتيجەسىندە وزگەلەردىڭ جاۋاپكەرشىلىگىن وزىمىزگە ارتىپ قويامىز.

  كەڭەس: بىرەۋدىڭ ءوزىڭىز تۋرالى پىكىرىن بىلگىڭىز كەلسە، تىكەسىنەن سۇراڭىز. بۇل ۋاقىتىڭىزدى ۇنەمدەپ، جۇيكە جۇيەڭىزدىڭ ساۋلىعىن ساقتاپ قالۋعا كومەكتسەدى.

  1. ۇنەمى ءوزىمىزدى كىنالى سەزىنۋ

  جاۋاپكەرشىلىگى مول ادامدار وزدەرىن ءار ىستە كىنالى سەزىنۋگە قۇمار. كەيدە بۇل سەزىمنىڭ قاجەتسىز كەزدەرى بولادى. ەڭ باستىسى، كىنا بار جەردە جازانىڭ دا بار ەكەنىن ۇمىتپاڭىز.

  كەڭەس: ءوزىڭىزدى ءبىر جەردە دۇرىس ۇستاماعان بولساڭىز، بىردەن بۇل تۋرالى اشىپ ايتىپ، كەشىرىم سۇراڭىز. ينتەرنەت بەتىندەگى ماقالالار مۇندايدا سيرەك كومەكتەسەدى. سول سەبەپتى، پسيحولوگ نەمەسە پسيحواناليتيك مامانداردىڭ كومەگىنە جۇگىنگەنىڭىز ءجون.

جاۋاپتى رەداكتور: ءاننا اكىمقان قىزى
  • قار شاڭعى اۋەسكەرلەرى بيىلعى جىلعى التاي تاۋى تابيعي قار شاڭعى الاڭىنىڭ العاشقى سىرعاناۋ باسقىشىنا قادام تاستادى
  • قابا اۋداندىق پارتكوم ۇگىت ءبولىمى، اۋداندىق ادەبيەت كوركەمونەرشىلەر بىرلەستىگى پارتيا 19-قۇرىلتاي رۋحىن ۇيرەندى
  • شي جينپيڭ ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى
  • شي جينپيڭ پارتيا 19 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە