اعاجاي-التاي تورابى   ›   البۋم   ›   كورىكتى التاي

ساحاراداعى كوكتەم ءانى

  (فوتو شالقىما)

  باعداۋلەت باتىربەك ۇلى

  جاسىل پۇلىس جامىلعان ارايلى القاپتىڭ ءار تاڭى مەن كەشىندەگى شۇلەن شۇعىلا قىرات - قىراتارعا نۇر بولىپ توگىلىپ، كۇي بولىپ شالقىپ جاتقانداي! شوپانداردىڭ جان سەزىمىمەن توعىسىپ، ءان بولىپ اۋەلەپ، جىر بولىپ سانامىزعا قۇيىلارى حاق!

  انە، سونداي شىمىرلاعان سەزىم سيلايتىن جاپ – جاسىل كوكتەمنىڭ كەرەمەتىن سانامەن سەزىپ، ۇلى تابيعاتتىڭ دارقاندىعىن، تىلسىمدىگىن، قۇدىرەتىن، كوز تويماس كوركەمدىگىن، اجارلى سۇلۋلىعىن قىل قالامەن دە، جىر قالامىمەن دە، فوتو ونەرىمەن دە اسەپتتەپ، ورنەكتەپ، مانەرلەپ، وبرازداندىرىپ ەلگە سەزىم، شىعارما سيلايتىن ورەلى دە ونەرلى جانداردىڭ ورتاق مۇراتى، ىزگى ارمانى ۇزىلمەي جالعاسىپ كوكتەمدەي كوگەرىپ قاسيەتتى ماڭعاز، جومارت، شۇلەن دالانىڭ ماحاباتىمەن توعىسىپ جاتارى داۋسىز...

  ارينە، كوكتەم سيمفونياسى ماپ – مايدا تاڭ سامالىمەن ءتاپ – ءتاتتى سەزىم سيلاپ، سىڭعىرلاعان بۇلاقپەن سىر شەرتىسىپ، جاپ – جاسىل ورمان توعايمەن مۇڭداسىپ، كوك زەڭگىر اسپان، اقشاعالا بۇلىتپەن ءتىل تابىسىپ، الىستان اق قالپاعىن الشى كيگەن ۇلى تاۋلاردىڭ رۋحىمەن ۇندەسىپ، سەبەزگى جاڭبىردان كەيىنگى جاڭا اشىلعان قاۋاشاقتاردىڭ قيمىلىمەن توعىسىپ، ءتىرى جاننىڭ تىرشىلىك سەزىمىن تەربەتىپ جانىڭا مەدەت، ويىڭا قۋات، شارىقتاعان شابىت سيلايدى. قويناۋى قوي، قوزى – لاقپەن، جەل قاناتتى تۇلپارلارمەن جاراسىم تاۋىپ تۇرسا، قىراتتارعا تىگىلگەن وتار قوسىمەن، مال شەتىندە جۇرگەن شوپانداردىڭ قيمىل – ارەكەتتەرى ماڭگىلىككە ۇزىلمەيتىن عۇمىر، تىنىس، تىرشىلىك سيلايدى.

  مامىرجاي كوكتەمنىڭ ءار تاڭى شۇلەن شۇعىلامەن ارقادان جىلۋلىق سيلاپ بۇساندىرىپ، بۇكىل دالا ءون بويىمەن ماۋجىراپ سالادى دا، مال – جانۋارلاردى راحاتقا بولەيدى. مىنە بۇل — كوكتەمنىڭ قۇدىرەتى.

  مەن ءار جىلى ءساۋىر، مامىر ايىندا جاڭبىردان كەيىنگى شەكسىز دالاداعى ءمىنسىز تابيعاتقا سەرۋەن قۇرىپ، جاپ – جاسىل كەربەز كوك مويناقتار مەن قىراتارعا شىعىپ تاڭعى اۋانى جۇتىپ، الىستارعا كوز سالىپ، تەرەڭ ويلاردىڭ شۇڭەتىنە باتامىن. سوسىن، قازاق ءومىرى تابيعاتپەن تىنستاس، تاعدىرلاس ەكەنىن سەزىنەمىن، شىركىن!

  سول تابيعاتتىڭ سىرعا تولى سىمباتىن، ءومىر تىرشىلىگىن فوتو اپپارات كوزىمەن جازىپ، اسەمدىك بوياۋىن تابيعاتىڭ نۇرلى شۇعىلاسىمەن مالىندىرىپ، وبرازداندىرىپ قايتا ەلگە سيلايمىن. فوتوگرافتىڭ ورتاق ماقساتى — ءتىلسىم تابيعاتتى، ادامدار ءومىرىن، تىرشىلىگىن كوزبەن كورگەندەي اسەرگە بولەپ، ورتاق ءلاززاتتانۋ.

  ءتورت ماۋسىمنىڭ ءبىرى بولعان كوكتەمنىڭ كوركىنەن سىر شەرتەتىن «ساحاراداعى كوكتەم ءانى» اتتى مىنا فوتو تۋىندىلاردى باعامداي ءبىلىپ، ءلاززات الۋلارىڭىزعا ۇسىندىم.

جاۋاپتى رەداكتور: جانار قاناپيا قىزى
  • قار شاڭعى اۋەسكەرلەرى بيىلعى جىلعى التاي تاۋى تابيعي قار شاڭعى الاڭىنىڭ العاشقى سىرعاناۋ باسقىشىنا قادام تاستادى
  • قابا اۋداندىق پارتكوم ۇگىت ءبولىمى، اۋداندىق ادەبيەت كوركەمونەرشىلەر بىرلەستىگى پارتيا 19-قۇرىلتاي رۋحىن ۇيرەندى
  • شي جينپيڭ ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى
  • شي جينپيڭ پارتيا 19 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە