اعاجاي-التاي تورابى   ›   مادەنيەت ارناسى   ›   ادەبيەت باعى

شارشادىم دەمە

  قۇرمانالى قاپار ۇلى

  سابىنداي قىسقا بالتانىڭ،

  عۇمىردىڭ تارتاسىڭ سارساڭىن.

  رۋحىڭدى وعان جەڭدىرمە،

  شارشادىم دەمە شارشادىم.

  تاعدىردىڭ بىلەم تارپاڭىن،

  تاعدىردان كورسەڭ قانشا مۇڭ.

  بارى دە ءوتىپ كەتەدى،

  شارشادىم دەمە شارشادىم.

  تىرشىلىك دەگەن ارقاۋىڭ،

  كۇرەس دەپ سانا ءار تاڭىن.

  تىرلىكتىڭ ءمانى ەڭبەكتە،

  شارشادىم دەمە شارشادىم.

  ۇرپاعىڭ ەرتەڭ قالقانىڭ،

  سولاردا بولسىن جان-ءتانىڭ.

  جالىقپاي باۋلى ۇيادان،

  شارشادىم دەمە شارشادىم.

  اق ورداڭ سەنىڭ القابىڭ،

  سول جەردە بولار بار قامىڭ.

  جىلىلاپ ۇستا كىرلەتپەي،

  شارشادىم دەمە شارشادىم.

  ۇقىقتا شىعار اڭسارىڭ،

  ۇلكەندە بولار قالپاعىڭ.

  حالقىڭنىڭ قامىن كوپ ويلا،

  شارشادىم دەمە شارشادىم.

  دۇنىيە بايلىق اق ساعىم،

  وعاندا جەتەر ارقانىڭ.

  يگى ءىس تىندىر شاپقىلاپ،

  شارشادىم دەمە شارشادىم.

  بورىكتىڭ كىيمە شالقاعىن،

  ەشكىمكە جاقپاس قايقاعىڭ.

  كوڭىلىن كوپتىڭ تابارسىڭ،

  شارشادىم دەمە شارشادىم.

  سول مەنىڭ تاعى ايتارىم،

  ادامدىق بولسىن حان تاعىڭ.

  ىزگىلىك ءۇشىن ايانبا،

  شارشادىم دەمە شارشادىم.

  حالقىڭ بار ەدىل دارقانىڭ،

  وتانىڭ مىناۋ بايتاعىڭ.

  ەل ءىشى التىن بەسىك قوي،

  شارشادىم دەمە شارشادىم.

  2017.6.4

جاۋاپتى رەداكتور: جانار قاناپيا قىزى
  • قار شاڭعى اۋەسكەرلەرى بيىلعى جىلعى التاي تاۋى تابيعي قار شاڭعى الاڭىنىڭ العاشقى سىرعاناۋ باسقىشىنا قادام تاستادى
  • قابا اۋداندىق پارتكوم ۇگىت ءبولىمى، اۋداندىق ادەبيەت كوركەمونەرشىلەر بىرلەستىگى پارتيا 19-قۇرىلتاي رۋحىن ۇيرەندى
  • شي جينپيڭ ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى
  • شي جينپيڭ پارتيا 19 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە